Екипата на Беса, која во летниот преоден рок драстично се засили, деновиве е на подготовки во Банско (Бугарија). Второлигашот вчера ја одигра и првата пријателска средба и тоа со истоимениот тим Банско и успеа да победи со 3:0. Стрелци на головите беа Ивановски, Емини и Гаши. Тренерот Таневски им даде шанса на повеќе свои играчи со цел да ја има на увид моменталната нивна форма. Сепак и покрај тоа, Беса делуваше многу сигурно и квалитетно.
Стартниот состав на Беса беше: Силјановски, Ариф, Борха, Драгарски, Мециновиќ, Алими, Белули, Есати, Назифи, Скендери, Адеми.
Во Банско екипата на Беса ќе се сретне и со Макаби Петах Тиква и Алтин Асир.
Инаку јасно е дека според засилувањата, амбициите на тимот на Беса се во следната сезона во ВМФЛ да се најде на првите две места кои водат директно во елитата.
