Голманот на Пари Сен Жермен, Џанлуиџи Донарума и неговата сопруга Алесија Елефанте синоќа биле жртви на брутален грабеж, пренесуваат француските медиуми. Непознати лица упаднале во нивниот дом во француската престолнина, ги соблекле голи и ги врзале.
Подоцна, откако крадците си заминале, двајцата некако успеале да стигнат до блискиот хотел. Вработените таму повикале полиција. Италијанскиот голман и неговата партнерка се хоспитализирани поради претрпен шок, но засега нема дополнителни информации за нивната состојба.
Штетата од грабежот се проценува на половина милион евра. Донарума денеска требаше да учествува на првиот натпревар на ПСЖ летово против Ле Авр.
