Холандскиот шампион Феенорд го собори својот трансферен рекорд со ангажманот на напаѓачот на Серкл Бриж, Асе Уеда. Се работи за 24-годишен јапонски репрезентативец за кого се платени 10 милиони евра.
Минатата сезона во белгискиот шампионат Уеда на 42 натпревари постигна 23 гола. Уеда има 15 настапи и еден гол за Јапонија, а пред да дојде во Европа играше за Кашима Антлерс.
Со овој трансфер Феенорд го собори клупскиот рекорд, а претходниот изнесуваше 8,5 милиони евра платени за Давид Ханчко од Спарта Прага во 2022 година.
