Репрезентацијата на Шпанија се пласираше во четвртфиналето на Светското фудбалско првенство за жени кое се игра во Австралија и Нов Зеланд. Шпанките утринава ја демолираа Швајцарија со 5:1.
Шпанија поведе со голот на Бонмати во 5 минута, а шест минути подоцна Швајцарија изедначи со автогол. Сепак, до крајот на првиот дел Шпанија зголеми на 4:1 со головите на Редондо-Ферер, Бонмати и Кодина. Во вториот дел Хермосо со гол заокружи на 5:1.
Во четвртфиналето Шпанија ќе игра со подобриот од дуелот Холандија – Јужна Африка.
