Вечерва во рамките на Лигата на шампионите во Глазгов ќе се соочат Ренџерс и швајцарски Сервет. Швајцарците се најдоа во непријатна ситуација пред дуелот затоа што поради суспензии и повреди отсуствуваат неколку играчи, а капак на проблемите е неиздавањето на британска виза на фудбалерот Гаел Ондуа.
Камерунскиот интернационалец морал да се врати во Швајцарија поради забраната, а од Сервет се бесни на оваа одлука за која велат дека е од „неспортски причини“.
А причината е што Ондуа, иако е роден во Камерун, израснал во Русија и има руско државјанство. За време на СП во Катар минатата година носел копачки со руско знаме – со тоа наводно ја поддржувал Русија во војната со Украина!?
Клубот одби да коментира повеќе, па тренерот Вајлер ќе мора да најде решение и за неговата позиција.
Ондуа како дете играл за младинските категории на Локомотив Москва, потоа и за ЦСКА Москва. Бил и во Анжи, а интересно во сезоната 2017/18 потпишал за украинска Зорја но не одиграл ниту еден меч.
Во декември минатата година тој во едно интервју зборуваше дека ја обожава Русија.
„Дојдов како момче, а Русија ме направи маж“, зборуваше Ондуа. Поради тој „грев“ сега си има проблеми со властите на другите држави кои не се наклонети кон Русија и се против нивната агресија врз Украина.
This is a joke#ServetteFC https://t.co/E6Z9lOtPJK
— Swiss Football Data (@swissfootdata) August 8, 2023
🇷🇺’I adore Russia. I came here as a little boy, and became a man thanks to Russia.’ Cameroon national team player Gael Ondua, who arrived at his World Cup match in boots and carrying the flag of Russia, spoke about his attitude to this country. pic.twitter.com/3ZvsGCxd9Z
— John Carter (@JohnEdgarCarter) December 5, 2022
