Уште еден фудбалски бисер кој од дијаспората се појавува како опција за нашите младински национални селекции е во моментов играчот на У17 генерацијата на Швајцарскиот прволигаш Сент Гален, Леонит Ибраимов.
Спортспорт го најавува играчот за врска кој 2008 годиште и уште од сега е дел од постарите селекции. Има настап за репрезентацијата на Швајцарија, што секако е опомена за нас, веднаш да реагираме и Ибраимов да биде повикан на некој од следните селективни кампови на нашите младински репрезентации.
Сент Гален е клуб од каде што веќе сме добиле наши репрезентативци, а последен пример е Луан Абази, кој по престојот таму замина во Вил, а сега пристигна и на позајмица во нашиот Шкупи.
