Роналдо му го донесе на Ал Наср трофејот во арапската ЛШ! (видео)

550

Ал Наср го освои Купот на арапските шампиони по вечерашното фантастично финале во кое го совлада Ал Хилал со 2:1 по пресврт и продолженија. Јунак беше Кристијано Роналдо кој одигра фантастичен меч.
Ал Хилал поведе во 51 минута кога Мајкл со глава погодува за 1:0. Интересно Мајкл го ископира познатото прославувањето на гол на Роналдо „Сиууууу“ исмејувајќи го славниот Португалец.
Но тоа само го разбуди гневот на Роналдо. Во 71 минута Ал Наср се најде во уште потешка ситуација затоа што Ал Амри доби црвен картон. Само три минути подоцна Талиска нафрлува на петерецот, а Роналдо погодува за 1:1.
Неколку минути подоцна Роналдо постигна гол кој беше поништен поради офсајд. Следуваа продолженија.
Во 98 минута по одбиената топка од пречката Роналдо ја погодува мрежата за пресврт на Ал Наср (2:1) и конечна победа и титулата во „џеб“. Португалецот се повреди па мораше да го напушти теренот.
За Ал Наср ова е првиот трофеј во арапската Лига на шампиони.

ПретходноЊукасл со „петарда“ ја испрати Астон Вила
СледноАдама Траоре потпиша за Фулам

ПОВРЗАНИ СОДРЖИНИПОВЕЌЕ ОД АВТОРОТ