УЕФА е загрижена поради минатонеделните немири во Атина и размислува да го премести финалето на Конференциската лига во 2024 година.
Атина треба да биде град-домаќин на финалната средба на 29 мај, но во Нион сега се во дилема и не е исклучена крајна можност за поместување на финалето.
Во понеделникот во близина на стадионот на АЕК беше убиен навивач на грчкиот тим, а полицијата допрва треба да утврди кој е убиецот меѓу осомничените кои се уапсени.
Сепак, податокот дека мечот меѓу АЕК и Динамо беше откажан поради големи нереди, уште повеќе ги загрижува луѓето во УЕФА. Пред да се донесе каква било одлука, најавено е дека претседателот на УЕФА, Александар Чеферин ќе разговара со грчкиот премиер Константинос Мицотакис веќе во среда, на денот на натпреварот од Суперкупот на Европа меѓу Севиља и Манчестер Сити. Тој треба да разговара и со градоначалникот на Атина и со претседателите на четирите атински клубови.
