Најдобрата македонска тенисерка Лина Ѓорческа направи скок од една позиција на најновата ВТА ранг-листа објавена денеска. Откако успеа да се пласира во финалето на ИФТ Фјучерсот во Осијек, каде за жал беше поразена, нашата тенисерка напредуваше едно место на официјалното рангирање кај дамите и оваа недела е на 247 место со 290 освоени поени.
Нашиот најдобар тенисер Калин Ивановски, кој денеска почнува со настап на Челинџер турнир во Полска, оваа недела е две места подолу на АТП листата со пласман на 308. место.
