Арсенал го објави трансферот на голманот Давид Раја од Брентфорд. Лондончани го позајмија 27-годишниот шпански чувар на мрежата на една сезона за три милиони фунти, а во договорот стои и клаузула за откуп во висина од 27 милиони фунти.
Фудбалерот ќе го носи дресот со број 22.
Раја минатата сезона одигра 38 натпревари за Брентфорд, а на 11 меча не прими гол. Така „топчиите“ имаат две добри опции на голманската позиција затоа што го имаат и Арон Рамсдејл.
Претходно се зборуваше дека Раја ќе оди во Интер како замена на Андре Онана меѓутоа „нероаѕурите“ го ангажираа искусниот Јан Зомер од Баерн.
