Младинскиот репрезентативец на Македонија, Христијан Малески, од денеска е ново засилување за екипата на Брера Струмица. Досегашниот фудбалер на шампионот Струга ТЛ се сели на позајмица на една сезона во дресот на струмичкиот тим.
Стнува збор за млад 21-годишен фудбалер, еден од најдобрите напаѓачи во минатата сезона. Малески веќе има настапи и за младинската репрезентација до 21 година, а претходно настапуваше и за останатите возрасни категории.
