Браво, браво за Струга ТЛ. Вечерва во реваншот од 3.квалификациско коло во ЛК како гостин кај Есперанж во Луксембург, успеа да дојде до пораз од 2:1, иако играше речиси цел меч со играч помалку, и да се пласира во плеј – офот во ова натпреварување.Реултат кој секако дека и одговараше ако се знае декана првиот меч беше 3:1 за Струга ТЛ.
Историски успех за нашиот тим,кој сега е на чекор и до групна фаза во ЛК.
Не започна добро за Струга ТЛ. Домашниот состав тргна со сите сили во напад, а во 10. И 11.минута Синани и Штролц и тоа како опасно се заканија. Во тие моменти нашиот тим имаше многу среќа.Но немаше во 16.минута кога Радески доби директен црвен, откако беше фаулиран направи непотребен потег, тоа судијата го виде и му го покажа патот кон соблекувалната.
Две минути подоцна Ибраими со убав шут со глава носи голема радост и водство од 0:1. Нема што, Бесарт е мајстор. Но 22.минута мораше да погоди за 0:2,откако претходно направи дар –мар во домашната одбрана. Зицер имаше и Шабани во 34.минута, бараше и пенал но резултат остана 0:1 со кој се замина на пауза.
ХЕРОЈСКА ИГРА НА СТРУЖАНИ,НО ЕСПЕРАНЖ ИЗРАМНУВА
Второто полувреме Есперанж го почна уште поагресивно, едноставно немаше веќе што да чека. Додека Струга ТЛ иако со десетмина навистина играше херојски. Се бранеше максимално храбро, мудро,знаеше што сака. А Ќосевски на голот беше брилјантен.Браво Ведран.
Гостите се обидуваа, како во првото полувреме, да дојдат до контра,но сепак нападите на Есперанж беа тотални, а Струга ТЛ играше со играч помалку.
И тогаш дојде тој гол Есперанж. Се играше 70.минута кога Густаво од далечина бие за 1:1, Ќосевски овојпат беше немоќен.
И по тој гол не престануваше иницијатвивата на Есперанж, се редеа акциите и шансите пред голот на Ќосевски, Струга ТЛ едноставно не можеше да “дише“ што се вели.
Есперанж поведе со 2:1 во 90+4.минута.Потоа следуваше “тресење“.
3.квалификациско коло во ЛК (реванш)
ЕСПЕРАНЖ – СТРУГА ТЛ 2:1 (0:1)
Стадион “Стаде Луксембург“. Судија: Метју де Габриеле (Малта). Стрелци: Густаво 70., Акалаи 90+4. (ЕСП), Ибраими 18.(СТР). Ж.Картони: Скендеровиќ,Ноувие.Мартинс, (ЕСП), Шабани,Малиќи (СТР). Ц.Картони: Радески 16. (СТР).
ЕСПЕРАНЖ: Дупире, Екофо, Скендеровиќ, Хаиме, Мартинс, Штолц, Коутуриер (60. Густаво), Симон (46. Ајонго), Спрудс (30.Ноувие), Синани (60. Акалаиа) Алиоу.
СТРУГА ТЛ: Ќосевски, Незири, Радиќ, Кривањева, Малиќи(90.Јаровиќ), Бојку, Шабани, Згуро, Мазрекај (79.Таири) Радески, Ибраими (90.Касами)
