Манчестер Сити го освои трофејот од Суперкупот на Европа елиминирајќи ја Севиља по подобро изведување на пеналите. Мечот се играше во среда во Атина, а следниот меч на „граѓаните“ е во сабота против Њукасл на „Етихад“ во рамките на 2. коло на Премиер лигата.
А Гвардиола на пресот ја прозва Премиер лигата за напорите да го закаже мечот во сабота, а не во недела или понеделник. Шпанецот алудираше на тоа дека неговиот тим има малку време за да се подготви за престојниот натпревар.
„Треба да се рехабилитираме што е можно побрзо. Од овде, од Грција, и се заблагодарувам на Премиер лигата што ни овозможи да играме во сабота, а не во недела или понеделник. Ви благодарам многу за напорите“, саркастичен беше Гвардиола.
„Задоволни сме што го освоивме трофејот. Овој трофеј го немавме, а сега го имаме. Мечот беше тежок, сличен на финалето на ЛШ против Интер. Сега се враќаме на домашните обврски, да бидеме што е можно подобри. Во декември не очекува нов предизвик – клупското СП во Саудиска Арабија“, додаде Шпанецот.
Сити на стартот на сезоната остана без Кевин де Брујне кој ќе паузира меѓу шест и седум месеци поради повреда.
“Thank you so much to the Premier League for letting us play on Saturday…and not on Sunday or Monday…” 👀
Man City boss Pep Guardiola on his sides recovery after their Super Cup win 💭 pic.twitter.com/Y2dmK49uTx
— Sky Sports News (@SkySportsNews) August 17, 2023
