Попладнево од 17 часот на програмата се шест натпревари од 2.коло во ВМФЛ. Дуелот Скопје – Детонит се игра утре, а “езерското дерби“ меѓу Охрид и Караорман е одложено за 30 август.
Се чини дека попладнево најинтересно ќе биде во Битола на стадионот “Петар Милошевски“ каде се среќаваат соседите Пелистер и Новаци. Убав повод за фудбалските фанови од Битола и Новаци да дојдат и да навиваат за своите екипи. И двете екипи во првото коло забележаа победи.
Беса дома игра со Беласица, можност за нова победа за четата на стратегот Александар Таневски, а се очекува полна трибина на стадионот во Куманово каде домашниот Башкими се среќава со Победа. Ова ќе биде дуел на некогашни прволигаши и екипи кои на стартот забелажаа убедливи победи.
Тетекс игра со Осогово, Вардар (Н) го дочекува Кожув, а Каменица Саса му гостува на Арсими.
ДВОЈКИ ЗА 2.КОЛО – ДЕНЕСКА (17 Ч)
ВАРДАР (Н) – КОЖУВ
АРСИМИ – САСА
ПЕЛИСТЕР – НОВАЦИ
БЕСА – БЕЛАСИЦА
ТЕТЕКС – ОСОГОВО
БАШКИМИ – ПОБЕДА
20.08.2023 (17 Ч)
СКОПЈЕ – ДЕТОНИТ
30.08.2023 (16 Ч)
ОХРИД – КАРАОРМАН
