Прволигашот Феникс ги засили своите редови со младинскиот репрезентативец на Македонија, Димитар Зетов. 17-годишниот кошаркар важи за еден од најталентираните играчи од својата генерација, а тој веќе има прволигашко искуство со тоа што играше за Струмица во претходната сезона каде забележа просек од 4.7 поени и 1.1 аситенција за просек од 15 минути поминати на теренот.
A бекот Филип Димитриевски и во следните четири години ќе го носи „виолетово-жолтиот“ дрес. Тој веќе три сезони настапува во младинските конкуренции претходната сезона беше дел и од Третата лига, а доби и прволигашка шанса на десет натпревари, забележувајќи ги и првите поени во сениорска конкуренција.
