Тимот на Беса Добри Дол по две кола има максимален учинок откако попладнево на домашен терен во Врапчиште успеа да слави над екипата на Беласица со конечни 2:0.
Творци на победата беа Џемаил Исати кој погоди при еден од првите прекини на мечот, во петтата минута, и Изаир Емини на стартот на вториот дел во 48. минута.
Од друга страна пак, тимот на Пелистер во локалната пресметка против тимот на Новаци немаше поголеми проблеми и триумфираше со 4:0, додека пак до првиот триумф сезонава стигна и Тетекс.
Тетовци иако губеа по само десетина минути на домашен терен од Осогово направија комплетен пресврт и триумфираа со 2:1.
Арсими немаше поголеми пролеми против Саса и победи со 4:0, додека пак, Кожуф триумфираше во Неготино кај Вардар со 1:2.
Конечно, екипата на Башкими во Куманово беше подобра од Победа со 2:1.
Дербито Охрид и Караорман се игра на 30 август, додека пак екипите на Скопје и Детонит својот меч го играат утре.
РЕЗУЛТАТИ 2. КОЛО ВМФЛ:
Беса – Беласица 2:0
Тетекс – Осогово 2:1
Пелистер – Новаци 4:0
Вардар Неготино – Кожуф 1:2
Башкими – Победа 2:1
