Да се постигнат три гола на еден натпревар секако дека не е мала работа, но да се постигне хет-трик против Вардар, секако дека тоа е големо достигнување, и да му се донесе првиот историски триумф на својот тим во Првата лига.
Сето тоа го направи Ален Јашароски, искусниот офанзивец на Воска Спорт. Одигра брилјантно, сам и ги донесе тие први прволигашки бодови на Воска.
Брера Струмица славеше кај шампионот, па во тимот на колото се стрелците Врдољак и Крстевски,како дефанзивецот Ристевски и голманот Алчевски. Брегалница го победи Гостивар а стрелци на головите беа Роналдо Вебстер и Венегас. Работнички одигра сосема добро, но победата над Македонија ЃП ја донесе капитенот Крсте Велкоски со еден фантаситичен потег од слободен удар, одличен беше и Рашид во дефанзивата. Чинари од Шкендија беше предводникот на победата во Кавадарци со одличен погодок. И секако да не заборавиме на Марко Ѓорѓиоски кој му донесе бод на Силекс од гостувањето кај Шкупи.
ИГРАЧ НА КОЛОТО
АЛЕН ЈАШАРОСКИ
Тим: Воска Спорт
Роден:06.11.1991 во Скопје
Кариера: Металург, Хоризонт Турново, Скопје, Еуримилк, Работнички, Македонија ЃП, Шкупи, Приштина (КОС), Ренова, Воска Спорт
