Ливерпул ќе го обжали црвениот картон кој го доби играчот од средниот ред Алексис Мек Алистер на мечот со Борнмут во рамките на 2. коло од Премиер лигата.
Според информацијата од клубот, доколку жалбата на клубот биде прифатена, Аргентинецот ќе може да учествува и на следниот меч од првенството на гости кај Њукасл. Во спротивно, играчот од средниот ред ќе мора да пропушти три натпревари: со Њукасл, Астон Вила и Вулверхемптон.
Мек Алистер беше исклучен во 58. минута поради старт со отворен ѓон кон играчот од средниот ред на гостите, Рајан Кристи.
