На нешто повеќе од еден час пред почетокот на мечот од плеј-офот во Лигата на Конференции меѓу Струга ТЛ и Бреидаблик, познати се стартните состави на двете екипи.
Стратегот на нашиот шампион Шпетим Дуро, кој денеска нема да биде на клупата, им даде шанса на следните единаесетмина да го започнат овој натпревар:
Ќосевски, Незири, Радиќ,Кривањева, Малиќи, Бојку, Укпа, Згуро, Шабани, Мазрекај, Ибраими.
Тоа значи дека стружани ќе играат со засилен среден ред, а во нападот покрај Ибраими ќе бидат и Мазрекај и Шабани во отсуство на Радески.
Од друга страна гостите од Исланд овој меч ќе го стартуваат со овие единаесетмина:
Еинарсон, Гунлаугосон,Муминовиќ, Маргеирсон,Ингварсон, Лудвиксон, Сигурјонсон, Ејулфсон, Сванторсон, Стеиндорсон, К.Олсен,
Натпреварот се игра на СРЦ “Билјанини Извори“ во Охрид со почеток од 17 часот. Главен судија ќе биде Дамиан Силвешчак од Полска.
Инаку реваншот е закажан за следниот четврток на Исланд со почеток во 18:45 часот.
