Струга ТЛ и дефинитивно со се она што направи во оваа 2023 година влезе во големото друштво во мак – фудбалот. Посебно кога станува збор за фудбалска Европа, со настапот во плеј –офот во Лигата на Конференции. А таму се и Вардар, Работнички, Шкендија и Шкупи. Само овие клубови, и денеска и Струга ТЛ, играле во плеј – офот во ЛШ, ЛЕ или ЛК.
Шампионот денеска против Бреидаблик во Охрид ќе го одигра својот прв натпревар од двомечот во плеј – офот во ЛК, со шанси секако и да се пласира во групна фаза, да го повтори историскиот успех на Вардар од 2017 кога го нашиот најтрофеен клуб го елиминира Фенербахче и се пласира во групната фаза во ЛЕ.
Пред две децении немаше плеј – оф во ЛШ, ако го минеш 3.квалификациско коло тогаш одиш во групната фаза.
И затоа тоа што го направија Вардар во 2003 и Работнички во 2006 година во ЛШ, ќе го сметаме за пласман во плеј –офот.
Еве кои наши клубови играле во плеј – офот и против кого, кога и во кое натпреварување:
ВАРДАР:
ЛШ-2003: Спарта Прага 2:3/2:2
ЛЕ-2017: Фенербахче 2:0/2:1..пласман во групна фаза
РАБОТНИЧКИ:
ЛШ-2006: Лил 0:1,0:3
ЛЕ-2011: Лацио 1:3,0:6
ЛЕ-2015: Рубин Казан 1:1, 0:1
ШКЕНДИЈА:
ЛЕ-2016: Гент 0:4, 1:2
ЛЕ-2017:Милан 0:1,0:6
ЛЕ-2018: Розенборг 0:2, 1:3
ШКУПИ:
ЛК – 2022: Балкани 1:2, 1:1
СТРУГА ТЛ:
ЛК – 2023: Бреидаблик ???
