Новиот прволигаш екипата на Гостивар го донесе и 18-тото ново засилување во финишот на преодниот рок. Денеска гостиварци се пофалија со Нигериецот Ијаји Атиемвен, кој ќе биде ново освежување за нападот на гостиварските „сини“.
Атиемвен доаѓа во Гостивар како засилување од екипата на Шериф Тираспол, а претходно играше и за екипата на Динамо Загреб. 27-годишниот Нигериец има долга историја на трансфери во Европа, а има играно и во Турција и на Кипар.
