Џанмарко Поцеко повторно направи скандал. Селекторот на Италија на Мундијалот го направи истото како против Србија на ЕП лани. Енергично протестираше, скокаше, викаше, им се закануваше на судиите и беше исклучен на мечот против Доминиканската Република, кој неговата земја го загуби со 87-82.
Тој доби две технички во првото полувреме и мораше да го напушти паркетот. Како што направи против „орлите“, дојде да се поздрави со целиот ривалски тим, од селекторот на Доминиканската Република до играчите на клупата, се упати кон соблекувалната, но драмата тука и започна.
Тој продолжи да прави хаос. Се врати на теренот и почна да вика, да пцуе и да се заканува.
На полувремето Италија замина со минимално водство (39:38), а по излегувањето од теренот Поцеко повторно сакаше да се пресмета со судиите. Тој се упати кон судиите, па обезбедувањето мораше да реагира.
Фото: Мондо.рс
