Македонскиот одбојкарски „бомбардер“, Александар Љафтов со специјални патики ќе настапи на годинешното Европско првенство во Скопје. Популарниот „Љафта“ доби специјално дизајнирани патики за премиерата на Евроволеј 2023 в среда, кога Македонија ќе стартува дома против репрезентацијата на Данска.
„Патиките се специјално дизајнирани и изработени од Лука и неговиот тим од LvL Custom Footwear. Ќе бидат посебна инспирација за ова Европско кое го играме на наш терен, пред наши навивачи. Се надевам дека ќе биде гласно и моќно навивањето, а ние ќе дадеме се од себе да ги израдуваме фановите“, вели Љафтов.
