Репрезентацијата на Франција избегна срамен пораз во дуелот со Либан во групната фаза на Мундобаскетот.
Резултатот беше неизвесен до последната четвртина. По третиот период Либан имаше поен предност 59-58, сепак, француските кошаркари заиграа посилно во последниот период и триумфираа со 85-79.
Либанците во финишот имаа шанса да стигнат до продолженија (82-79) меѓутоа капитенот Никола Батум им ги сруши надежите со тројка за победа.
Најефикасен кај Французите беше Јабуселе со 18 поени, а воопшто на мечот најмногу поени постигна Аракџи од Либан со 27 поени.
Франција и покрај победата нема шанси за наредната фаза поради двата порази во првите две кола од Канада и од Летонија.
Во меѓувреме Австралија го завери второто место во групата Е и пласманот во следната фаза по триумфот над Јапонија со 109-89. Првото место во групата го освои Германија, трета е Јапонија и последна Финска.
