Романско-лихтенштајнска комбинација на судиските позиции за вечерашниот прв меч на македонската одбојкарска репрезентација на Европското првенство. Дуелот против селекцијата на Данска ќе го суди романскиот интернационалец Каталин Сабо-Алекси како прв судија, додека за втор судија на мечот е делегиран Александeр Шикањиќ од Лихтенштајн.
Македонскиот судија Влатко Ристовски вчера го имаше својот прв меч на ова ЕП судејќи како втор арбитар на мечот меѓу Израел и Грција (3:2) во групата „Д“ во Тел Авив. Ристовски очекува нов меч во наредните денови.
