Францускиот Монако го ангажираше напаѓачот на Арсенал, Фоларин Балогун. 22-годишниот Американец стави потпис на петгодишен договор, а за правата клубот од Кнежевството ќе плати 40 милиони евра.
Балогун започнал да тренира во Арсенал на 8 години, а има само 10 натпревари за првиот тим на „топчиите“. Во јануари минатата година беше испратен под наем во Мидлсбро, а минатото лето играше под наем во Ремс. Таму имаше одличен настап со 22 гола во 39 меча.
