Од Монако, Игор Д. Ивановски
Денеска во 18 часот ќе се одржи ждрепката за Лигата на Шампионите. Во Монако нашата редакција има и свој претставник па од лице место ќе може да пренесеме каков ќе биде исходот.
Инаку познати се сите четири барабани, а можно е да се падне и спектакуларна група, како на пример Манчестер Сити, Реал Мадрид, Милан и Селтик. Сепак да почекаме до нешто после 18 часот и ќе видиме каков ќе биде исходот.
За нас интересно е тоа и во која група ќе се падне Наполи, тимот на нашиот Елиф Елмас како шампион на Италија.
Еве ги комплетните барабани со екипите пред денешната ждрепка:
ПРВ БАРАБАН: Манчестер Сити (АНГ), Севиља (ШПА), Барселона (ШПА), Наполи (ИТА), Баерн Минхен (ГЕР), ПСЖ (ФРА), Бенфика (ПОР), Феенорд (ХОЛ).
ВТОР БАРАБАН: Реал Мадрид (ШПА), Манчестер Јунајтед (АНГ), Интер (ИТА), Дортмунд (ГЕР), Атлетико Мадрид (ШПА), Лајпциг (ГЕР), Порто (ПОР), Арсенал (АНГ).
ТРЕТ БАРАБАН: Шахтјар Доњецк (УКР), Салцбург (АВС), Милан (ИТА), Брага (ПОР), ПСВ (ХОЛ), Лацио (ИТА), Ц. Звезда (СРБ), Копенхаген (ДАН).
ЧЕТВРТИ БАРАБАН: Јанг Бојс (ШВА), Сосиедад (ШПА), Галатасарај (ТУР), Селтик (ШКО), Њукасл (АНГ), Унион Берлин (ГЕР), Антверп (БЕЛ), Ланс (ФРА).
