Откако го заврши договорот со Шкупи ова лето, вечерва Нигериецот Сандеј Адетунџи и официјално стана ново засилување за српски Чукарички.
25-годишниот центарфор висок 191 сантиметар денеска ги поминал лекарските прегледи и ставил потпис на 3-годишен договор со Чукарички.
„Доведовме играч кој имаше одличен настап во македонската лига, на 54 натпревари за Шкупи постигна 30 голови. Иако има уште многу време до крајот на преодниот рок, многу е важно што го ангажиравме Адетунџи пред крајниот рок за лиценцирање играчи за Конференциската лига“, изјавил Владимир Матијашевиќ, спортскиот директор на Чукарички.
