„Уште како дете сонував да играм за Барселона“, изјави Жоао Феликс по трансферот од Атлетико Мадрид во Барселона. Офанзивецот минатата сезона ја помина на позајмица во Челзи, а оваа сезона ќе игра на позајмица во Барселона.
Атлетико Мадрид се согласи да го пушти португалскиот интернационалец во редовите на ривалот на една сезона. Атлетико за оваа позајмица ќе заработи 8 милиони евра, а „каталонците“ ќе ја покријат целата плата на играчот.
Со тоа Феликс ќе го пополни местото на Ансу Фати кој се пресели во Брајтон.
Нов играч на Барселона е Жоао Кансело кој исто така како доаѓа како позајмен фудбалер од Манчестер Сити. Во договорот нема клаузула за откуп.
