По одличната арбитража на првите две средби во групата „Д“ во Тел Авив во рамките на Европското првенство 2023, макеоднскиот одбојкарски судија Влатко Ристовски денеска доби голема задача да го суди дербито на 3. коло меѓу екипите на домаќинот Израел и селекцијата на Франција.
Овој меч од 19.30 часот ќе биде дерби на групата „Д“ затоа што Франција и Израел се на првите две позиции по првите две кола, па овој дуел веројатно ќе одлучи за тоа кој ќе остане на првото место во групата до крајот на разигрувањето.
Ристовски ќе ја има улогата на прв судија, а денеска како втор судија ќе му асистира Кенет Аро од Финска. Според информациите од Тел Авив вечерва салата таму ќе биде исполнета до последното место, а веќе е најавено присуство и на дел од политичките елити на двете земји.
