Нема три од три за шампионот, за Напол. Вечерва во Неапол, под Везув, во едно од дербитона 3.коло во Серија А, Лацио ги изнанади наполитанците и славеше со 1:2. Големи три бода за тимот од Рим.
Луис Алберто во 30.минута му донесе водство на гостинот, за да само две минути подоцна Зиелински успеа да израмни. Камада во 62.минута погоди за 1:2.
Да кажеме дека ова беше 300.меч за Имобиле за Лацио. Елиф Елмас не доби шанса од својот тренер Руди Гарсија да одигра барем некоја минута.
На другиот меч во вечерашниот термин, Аталанта на свој терен со 3:0 дојде до лесна победа над Монца. Стрелци на головите беа Едерсон и двапати Скамака.
