Италија е веќе во четвртфиналето на Мундобаскетот. „Азурите“ во еден несигурен меч на крајот сепак успеаја да се изборат за победа над Порторико со 73:57 и со тоа да си го потврдат местото во битката за медали.
Во случај на победа над Доминиканската Република, Србија ќе биде на второто место и ќе закаже четвртфинален дуел со Американците. Ако Доминиканците слават ќе отидат на Литванија.
Изненадувачки, Џампаоло Ричи и Стефано Тонут го предводеа патот за Италија до победата на оваа средба со по 15 поени. Датоме заврши со 13 поени, Симоне Фонтекио забележа дабл-дабл од 12 поени и 12 скока.
