Секако дека супер потег беше на раководство да го врати Александар Васоски на местото шеф на стручниот штаб. Два меча дома и четири освоено бода, што секако дека е успех и за Вардар и за Васоски во оваа ситуација. Тој и неговите момци во саботата на Маџари славеа против Македонија ЃП со 2:1 и ги освоија трите бода, екстра значајни за тимот со цел да си ја врати самодовербата.
Токму затоа според „СпортСпорт“ Александар Васоски е тренер на 6.коло во ПМФЛ иако имаше жестока конкуренција во Горазд Михаилов (Силекс), Шпетим Дуро (Струга ТЛ) и Миљан Радовиќ (Воска).
