Жозе Мурињо тврди дека би добил 10 натпревари суспензија доколку го каже своето мислење за финалето на Европската лига минатата сезона во кое неговата Рома беше поразена од Севиља по изведување на пенали. Правејќи пресек на неговата кариера во европските натпреварувања, Мурињо беше замолен да каже што мисли за фотографиите пред него.
На едната е во друштво на Пеп Гвардиола и Златан Ибрахимовиќ, од ерата кога работеше во Барселона. „Се играат разни умствени игри“, одговори тој, а за неговата прослава со Челзи рече: „Чиста радост“.
Кога му беа претставени фотографии на кои ја слави победата во Лигата на Европа со Манчестер Јунајтед и фотографија од поразот од Севиља, тој рече: „Истото. Освојувањето на Лига Европа со Јунајтед предизвикува нормални чувства. За другата ако кажам што мислам, ќе ми забранат да водам десет натпревари“.
