Македонската одбојкарска репрезентација за кратко време со чартер лет треба ќе отпатува за Бари, каде ќе ја продолжи својата европска бајка. Јошко Миленковски и неговите избраници се пласираа во осминафиналето на Европското првенство, а таму за противник ќе ја имаат селекцијата на Италија.
Она што е доста интересно што во ист ден две наши селекции ќе играат против оваа репрезентација. На 9. септември во Бари со почеток во 18 часот, одбојкарите ќе ги одмерат силите со актуелниот европски и светски првак.
Истиот ден, но во во Скопје на Националната Арена „Тодор Проески“, македонската фудбалска репрезентација ќе ја пречека Италија во рамките на евроквалификациите, овој меч е закажан во 20:45 часот.
