Бразилскиот напаѓач Нејмар го напушти ПСЖ и потпиша за Ал Хилал од Саудиска Арабија. Оваа година Саудиската Про Лига се препороди, огромен број на фудбалери од Европа се преселија таму меѓу кои Роналдо, Бензема, Милинковиќ Савиќ, Мане, Канте, Фабињо, Хендерсон, Кулибали, Лапорт…
„Фудбалот во Саудиска Арабија е ист. Топката е тркалезна, имаме стативи и пречка. Но ако ги погледнеме имињата на фудбалери во Саудиската про лига, нема да ме изненади ако е подобра од Лига 1. Морам да бидам мирен во главата, среќен, знам како да се грижам за себе и за својата физичка состојба. Веќе 15 години го живеам овој начин на живот. Нема тајни. Таму имаме силни тренинзи. Има силна желба за победа. Јас сакам трофеи со Ал Хилал“, рече Нејмар.
