Втората и шестата носителка, Белорусинката Арина Сабаленка и Американката Коко Гауф ќе се борат за титулата на УС Опен, откако синоќа славеа во полуфиналните пресметки со Медисон Кис и Каролина Мучова.
Во првото полуфинале Гауф ја совлада чешката тенисерка со 6-4, 7-5, а потоа Сабаленка спречи американско финале совладувајќи ја Кис со 0-6, 7-6 (1), 7-6 (10-5).
Третото по ред полуфинале во Флешинг Медоус се покажа како среќно за Белорусинката. Откако Лејла Фернандез ја победи во три сета во 2021 година, а Ига Швјонтек го повтори истото една година подоцна , Арина Сабаленка успеа да ја прекине таа низа против Медисон Кис.
Овогодинешната победничка на Австралија опен по вторпат во кариерата ќе се бори за трофејот на Грен слем турнирите и ќе има можност да го зачини своето искачување до светскиот трон со титула на УС Опен.
