Американската тенисерка Коко Гоф ја освои титулата на УС Опен, откако ја совлада белоруската тенисерка Арина Сабаленко со 2:6, 6:3, 6:2.
Гоф на тој начин ја постигна 12-та последователна победа и го освои својот прв Грен слем турнир во кариерата. Натпреварот траеше два часа и шест минути.
Raise it HIGH, Coco 🙌@CocoGauff 🏆 #USOpenpic.twitter.com/XqJbURskEl
— wta (@WTA) September 9, 2023
Гоф стана четвртата Американка која како тинејџерка триумфирала на САД опен по Серена Вилијамс, Трејси Остин и Крис Еверт. Со оваа победа таа се искачи две позиции и од понеделник ќе биде трета тенисерка во светот.
„За мене се пишуваше дека се дига голема врева без причина. Ги читав тие коментари. Луѓето мислат дека не читам, но јас многу добро знам што се пишува за тенисот на Твитер. Ги знам сите профили, знам кој каква глупост пишува и едвај чекам да видам сега што ќе напишат“, изјави Коко.
At 19 years old, Coco Gauff is the fourth American teenager to win a major title in the Open Era 🏆 #USOpen pic.twitter.com/qdxlS4vmKO
— espnW (@espnW) September 9, 2023
Сабаленка остана на една грен слем титула, која ја освои на почетокот на годината на Австралија опен, а од понеделник го презема првото место на ВТА листата, откако во осминафиналето испадна Ига Швонтек.
