Агон Елези беше стартерна средбата против Малта. И не само што беше стартер туку и одигра навистина за секаква пофалба. Не се исплаши од сите тие ѕвезди на Италија, туку одигра како што треба,како од него очекуваше селекторот Милевски.
Прво за Италија како беше, а потоа и секако за утрешниот меч со Малта тој истакна:
“Нормално дека сум среќен за освоениот бод со Италија, и дека сум среќен и поради тоа што добив шанса да играм од првата минута.Тоа за мене е голема работа. Имавме свој план и мислам дека добро го одработивме на тој натпревар. Дечките покажаа карактер до крај да се држи тој резултат од 1:1 против европскиот првак. Затоа им честитам на сите, на играчите, на стручниот штаб, на навивачите. Сепак бодот е заслужен против едне таков тим како што е Италија“.
Тој вели дека утрешниот меч со Малта ќе биде сосема друга приказна:
“Овој меч е сосема некоја друга приказна. Против Малта ќе треба да наметнеме свое темпо, свој ритам, да го покажеме тоа на терен. Да потврдиме дека тоа реми протв Италија не беше случајно. Сега ќе биде потешко, ќе треба да играме со топка, да креираме шанси. Сепак јас не се сомневам во овие дечкикои досега покажале во многу наврати дека можат да се носат со секаков притисок. Јас сум уверен дека против Малта сите ќе го дадеме максимумот и се надевам на позитивен резултат. А позитивен резултат за нас нормално се три бода. Ние секогаш влегуваме на терен за три бода. Утре е шансата уште еднаш да покажеме дека Македонија вреди, дека Македонија има квалитет, дека Македонија може да се носи против секого“ заврши Елези.
