Ремито против Италија во Скопје за македонската фудбалска репрезентација ќе значи скок од 3 места на новата септемвриска ранг-листа која треба да се појави на 21 овој месец.
Со нерешените 1:1 против актуелниот европски шампион, нашата репрезентација освои нови 7,72 поени, кои ќе не искачат три позиции погоре од постоечкото 68. на 65. место. Без разлика дали ќе ја победиме Малта или не, малку веројатно е дека ќе можеме да напредуваме уште некое место погоре, бидејќи моментно 64. репрезентација во светот, Јужна Африка, има 8 бода повеќе од нас на своето конто.
Интересно е што Италијанците ќе назадуваат, па од 8. се спуштаат на 9. место на ФИФА листата овој месец.
