Фудбалерот на Јувентус, Пол Погба е позитивен на тестостерон на стандардниот допинг тест кој е направен по мечот со Удинезе и торинскиот клуб одигран на 20 август, пренесува „Газета дело Спорт“.
Јувентус победи со 3:0, Погба го преседе мечот на клупата за резерви меѓутоа тој беше еден од играчите кои случајно беа извлечени за допинг тестови. Италијанските медиуми пренесуваат дека Погба ќе мора да даде уште еден примерок за тестирање.
Во случај и тој да биде позитивен, на Французинот, чија кариера е во пад, му се заканува четиригодишна суспензија. Погба е член на Јувентус од 2022 година.
