Еден од домаќините на Европското првенство во одбојка, селекцијата на Италија е последниот полуфиналист на евроволеј 2023. Италијанците ја победија Холандија со 3-2 (19-25, 25-17, 25-16, 23-25, 15-12) и последни обезбедија место во четворката која ќе се бори за медалите.
Холанѓаните одлично го отворија мечот и го добија првиот сет со 25-19, но следуваа два доминантни сета на „аѕурите“ со кои најавија атак на полуфиналето. Холандија се врати во четвртиот сет, имаше добро отворање и на решавачкиот петти сет, но Италија успеа да дојде до победата.
Претходно Полска, Словенија и Франција веќе обезбедија полуфинале. Во полуфиналната пресметка во четврток ќе се сретнат:
18.00 Полска – Словенија
21.00 Италија – Франција
