Шестиот квалификациски меч од циклусот за Европското првенство 2024, македонската фудбалска репрезентација ќе го одигра против Украина. Со оглед на ситуацијата со воената состојба во земјата, Украинците своите мечеви како домаќини ги играат во остатокот на Европа, а дуелот со нашата репрезентација закажан за 14 октомври решија да го играат во Прага.
Украинците последниот меч како домаќини против Англија го играа во Вроцлав, Полска, а претходно беа домаќини во Трнава, Словачка на дуелот со Малта.
Инаку нашата репрезентација веднаш по дуелот со Украина на 17 октомври ќе има и пријателски меч со селекцијата на Ерменија. Дуелот е закажан на стадионот „Младост“ во Струмица.
