Пензионираниот професионален кошаркар Брендон Хантер кој во НБА лигата беше дел од екипите на Бостон и Орландо ненадејно почина на Флорида. Тој за време на јога третманот, таканаречен „врела јога“ наеднаш колабирал. Допрва ќе се дознае причината за смртта која што засега не е објавена.
Тој поника на Универзитетот Охајо, а во професионалните води влезе како 56. пик на драфтот во 2003. По Бостон и Орландо се пресели во Европа каде што играше во Италија, Грција, Израел, а кариерата ја заврши во Уругвај во 2013.
По пензионирањето работеше како агент.
