Хрватскиот селектор, Златко Далиќ кој со селекцијата на Хрватска прави фудбалски чуда, на последните две СП има едно финале и едно полуфинале, на спорскиот симпозиум во Сараево, беше во центарот на вниманието. Сите сакаа него да го прашат нешто на фудбалски теми, се разбира.
На прашањето за кого обично навива кога не игра Хрватска, тој си даде свој коментар.
“Се разбира дека навивам за сите селекции што се од овој регион. Нормално е дека ќе навивам за Србија кога ќе игра со Нигерија! А за кого требада навивам?“ посочи Далиќ.
Инаку тој говореше со воодушевување за селекторот на Србија, Драган Стојковиќ – Пикси:
“Пикси е фудбалски бог. Кога се сретнавме во Катар на СП се прегрнавме и си разговаравме како да се знаеме 100 години“рече покрај другото Далиќ.
Нормална реакција и нормален одговор на нормален човек од Балканот.
