Во четвртото коло на италијанската Серија А, екипата на Рома ја забележа првата победа. „Волчицата“ на домашен терен славеше во дуелот со Емполи со 7:0 и со тоа ја оправда фаворитската улога.
Пауло Дибала со гол од пенал го отвори резултатот во 2. минута, шест минути подоцна зголеми Санчез, а во 35 минута со автогол на Граси Рома отиде на водство од 3:0. Во 55 минута Дибала го постигна својот втор гол на мечот, десет минути пред крајот во листата на стрелци се запиша и Кристанте, веднаш по него Ромелу Лукаку го постигна „првенецот“ со дресот на римскиот клуб, а во 90 минута Џанлука Манчини реализираше за 7:0.
За Рома ова е прва победа по ремито во првото коло и двата врзани порази од Верона и од Милан, а исто така и осма победа по ред над Емполи во најсилната италијанска лига.
Емполи моментално е последен без бодови.
Lukaku scored his first Roma goal to make it 6-0
— J (@MourinhoPics) September 17, 2023