По минатонеделниот спектал на мечот со Вардар, денеска Тиквеш одново ќе игра меч за сите вкусови. Од 15 часот во меч од 8.коло, на Градскиот стадион во Кавадарци се среќаваат Тиквеш и Брегалница. Тоа се два тима кои се лути ривали, барем во последните неколку години уште од времето кога играа во ВМФЛ, лути ривали им се и навивачките групи “Лозари“ и “Фаланга“. И двете екипи располагаа со квалитетни состави, и двете екипи играат добро, се разбира дека трибините ќе бидат полни, ете ги сите предуслови за одличен фудбал, за нов спектакл, за фудбалски мераци.
Тиквеш можеби е во мала предност и тоа само поради тоа што игра дома. Моменталната форма не гарантира ништо однапред. А традицијата вели дека “сините“ се во предност. Тиквеш “сонува“ да ја победи Брегалница точно четири години, а и тогаш славеше под Исарот а не дома.
Во последно време, односно во изминатите шест години, овие две екипи одиграле 17 меѓусебни мечеви. Во нив Тиквеш победил само на два, шест завршиле без победник а на девет славела Брегалница.
