Во суперинтересна пресметка зачинета со четири гола, Арсенал и Тотенхем во големото лондонско дерби одиграа без победник – 2:2. За радост на навивачите на домашниот тим, Сака беше, а Ромеро несреќно ја сврте топката во сопствената мрежа и Арсенал уште во 26. минута имаше водство од 1:0. Сепак, Тотенхем брзо се врати во игра и со првиот гол на Сон во 42. минута обезбеди 1:1 на пауза.
Во вториот дел „топчиите“ добија пенал кој Сака го претвори во водство од 2:1, но само една минута подоцна со својот втор гол Сон успеа повторно да израмни, сега на 2:2. До крајот на мечот и двата тима повеќе внимаваа на својот, отколку што бараа шанси за победа.
Ливерпул обезбеди нова, петта сезонска победа, откако на домашен терен со 3:1 беше подобар од Вест Хем. Салах од пенал го донесе Ливерпул во водство од 1:0, а Боувен израмни за 1:1 на полувреме. Дарвин Њуњез го постигна вториот гол за „црвените“ за 2:1. Само што влезе во игра во завршните десетина минути од мечот, Диого Жота успеа да погоди за конечни 3:1.
За Челзи веројатно одвишок е што и да се напише. Кризата во која тонат „сините“ денеска ги чинеше уште еден пораз. Момците на Покетино пред своја публика беа поразени од Астон Вила со 1:0 (Воткинс), откако претходно во 56. минута Мало Гуисто доби црвен картон, па лондончани останаа со играч помалку.
Брајтон, пак, со пресврт славеше над Бурнмаут со 3:1.
