Завршија првите полувремиња на сите шест средби од 8.коло во ПМФЛ кои се играат попладнево. Најинтересно е во Охрид каде Шкупи води со 1:2, а прими гол уште во 11.секунда.Но следуваше големиот кикс на домашниот голман, тоа Сахити го искористи за 1:1, а потоа Дуду Сампајо од пенал носи водство од 1:2.
Во Струмица со голот на Марко Ѓорѓиевски, Силекс води кај Брера Струмица. Инаку стрелецот е некогашен играч на струмичани.
Со голот на Кехинде, Гостивар води кај Вардар. На полувреме хаос.Тренерот на домашните Васоски доби црвен картон, исто црвен доби и претставникот на домашниот клуб, Никола Стојановски. Води и Брегалница кај Тиквеш со голот на Андерсон.
Нема голови во Струга и во Тетово. Иако и Струга ТЛ и Шкендија, како домаќини имаа иницијатива и шанси против Работнички и Македонија ЃП. Во 45.минута Бесарт Ибраими промаши пенал. Ја шутна топката високо над пречката.
