Од денеска во продажба билетите за Пелистер и Кил

Пелистер денеска (14 часот) ќе ги пушти во продажба поединечните билети за вториот домашен натпревар од Лигата на шампионите. Гостин во салата „Боро Чурлевски“ е Кил, дуелот се игра во среда во 18:45 часот.

Македонскиот вицепрвак има два порази во низа во групната фаза во најсилното европско клупско натпреварување, против Колстад дома и Алборг на гости. Бундес-лигашот ќе биде уште еден тежок противник во низата, па токму затоа на ракометарите на Пелистер им е потребна поддршка од трибините.

Цената на билетите е 450 и 500 денари.